நீங்கள் தேடியது "ஆசிய போட்டி"

சென்னை:

சமீபத்தில் இந்தோனேஷியாவில் நடந்த 18-வது ஆசிய விளையாட்டு போட்டியில் தமிழகத்தை சேர்ந்த ஆரோக்ய ராஜீவ் 400 மீட்டர் தொடர் ஓட்டம் மற்றும் 400 மீட்டர் கலப்பு அணிகள் தொடர் ஓட்டத்தில் வெள்ளிப்பதக்கமும், தருண் 400 மீட்டர் தடை ஓட்டம் மற்றும் 400 மீட்டர் தொடர் ஓட்டத்தில் வெள்ளிப்பதக்கமும் வென்றனர்.

ஆசிய விளையாட்டு போட்டியில் தலா 2 வெள்ளிப்பதக்கம் வென்ற திருச்சி மாவட்டம் லால்குடி அருகே உள்ள வலுதியூரை சேர்ந்த ஆரோக்ய ராஜீவ், திருப்பூர் மாவட்டம் அவினாசியை அடுத்த ராவுத்தம்பாளையத்தை சேர்ந்த தருண் ஆகியோருக்கு தமிழ்நாடு தடகள சங்கம் சார்பில் பாராட்டு விழா சென்னையில் நேற்று நடந்தது.


பின்னர் 21 வயதான தருண் அளித்த பேட்டியில், ‘காயத்தில் இருந்து மீண்டு வந்து 400 மீட்டர் தடை ஓட்டத்தில் 48.96 வினாடியில் பந்தய தூரத்தை கடந்தது மிகுந்த மகிழ்ச்சி அளிக்கிறது. இந்த வெற்றியை என்னால் நம்பமுடியவில்லை. ஐரோப்பாவில் நடந்த போட்டிகளில் கலந்து கொண்டது எனது திறனை மேம்படுத்த உதவிகரமாக இருந்தது. அடுத்து ஆசிய மற்றும் உலக தடகள சாம்பியன்ஷிப் போட்டிக்கு தயாராகுவதில் கவனம் செலுத்த இருக்கிறேன். தீவிர பயிற்சி மேற்கொண்டு எனது திறமையை வளர்த்து கொண்டால் ஒலிம்பிக் போட்டிக்கும் தகுதி பெற முடியும். இந்திய அணியின் பயிற்சி முகாமை பாட்டியாலாவுக்கு பதிலாக திருவனந்தபுரத்துக்கு மாற்றினால் நன்றாக இருக்கும். வேலைவாய்ப்பு எனக்கு வரத் தான் செய்கிறது. இருப்பினும் நல்ல வேலைவாய்ப்புக்காக காத்து இருக்கிறேன்’ என்று தெரிவித்தார்.

27 வயது ராணுவ வீரரான ஆரோக்ய ராஜீவ் அளித்த பேட்டியில், ‘ராணுவத்தில் வேலைக்கு சேர்ந்த பிறகு எனது செயல்பாட்டில் நல்ல முன்னேற்றம் ஏற்பட்டது. அதற்கு சத்தான உணவுகளை எடுத்து கொள்வதும் ஒரு காரணமாகும். தேசிய பயிற்சி முகாமில் எல்லா விளையாட்டு வீரர்களுக்கும் ஒரே மாதிரியான உணவு வகைகள் தான் அளிக்கப்படுகிறது. வீரர்கள் கலந்து கொள்ளும் பந்தயத்திற்கு தகுந்த மாதிரி உணவு வழங்க வேண்டும். தினமும் ஒரே மாதிரியான உணவுகளை சாப்பிடும் போது ஒருவித சலிப்பும் ஏற்படுகிறது. தேசிய பயிற்சி முகாம் திருவனந்தபுரத்துக்கு மாற்றப்பட்டால் சவுகரியமாக இருக்கும். அடுத்து ஆசிய மற்றும் உலக தடகள போட்டி குறித்து கவனம் செலுத்த இருக்கிறேன். நவீன தொழில்நுட்ப வசதியை சரியாக பயன்படுத்தி கடுமையாக உழைத்தால் நம்மால் ஒலிம்பிக் போட்டியிலும் சாதிக்க முடியும்’ என்று கூறினார். #AsianGames2018

ஜகார்த்தா:

இந்தோனேசியாவில் நடைபெற்று வரும் ஆசிய விளையாட்டுப் போட்டியில் இன்று ஆடவருக்கான இரட்டையர் டென்னிஸ் போட்டிகள் நடைபெற்றன. இதில் இந்தியாவின் ரோகன் போபண்ணா- திவிஜ் சரண் ஜோடி சிறப்பான ஆட்டத்தை வெளிப்படுத்தி இறுதிப் போட்டிக்கு முன்னேறியது.


இதன்மூலம் ஆசிய போட்டியில் இந்தியா 6 தங்கப் பதக்கங்களை வென்றுள்ளது. இதுதவிர 4 வெள்ளி, 13 வெண்கலம் என மொத்தம் 23 பதக்கங்களுடன் பதக்க பட்டியலில் 7-வது இடத்திற்கு முன்னேறியது. #AsianGames2018 #RohanBopanna

ஜகார்த்தா:

இந்தோனேசியாவில் நடைபெற்று வரும் ஆசிய விளையாட்டுப் போட்டித் தொடரில் இன்று பெண்களுக்கான 25 மீட்டர் ஏர் பிஸ்டல் துப்பாக்கி சுடும் போட்டி நடைபெற்றது. இதற்கான தகுதிச்சுற்றில் சிறப்பாக செயல்பட்ட மனு பாக்கர் 593 புள்ளிகள் பெற்று முதலிடத்தைப் பிடித்து இறுதிச்சுற்றுக்கு தகுதி பெற்றார். இதேபோல் மற்றொரு வீராங்கனை ராகி சர்னோபத் 580 புள்ளிகளுடன் 7-வது இடத்தைப்பிடித்து இறுதிச் சுற்றுக்குள் நுழைந்தார்.

அதன்பின்னர் நடைபெற்ற இறுதிச்சுற்றில் ராகி சர்னோபத் மிகச்சிறப்பாக செயல்பட்டு தங்கப் பதக்கம் வென்றார். இது இந்தியாவுக்கு கிடைத்த 4-வது தங்கம் ஆகும். மனு பாக்கர் 6-வது இடத்திற்கு பின்தங்கியதால் பதக்க வாய்ப்பை இழந்தார்.

ராகி சர்னோபத் தங்கம் வென்றதன் மூலம் மொத்தம் 4 தங்கம், 3 வெள்ளி, 4 வெண்கலம் என 11 பதக்கங்களுடன், பதக்க பட்டியலில் இந்தியா 6-வது இடத்திற்கு முன்னேறியது. #AsianGames2018 #RahiSarnobat

ஆசிய போட்டி ஆகஸ்ட் 18-ந்தேதியில் இருந்து செப்டம்பர் 2-ந்தேதி வரை இந்தோனேசியாவில் உள்ள ஜகார்த்தா, பாலேம்பங்கில் நடக்கிறது. இதில் பிஆர் ஸ்ரீஜேஷ் தலைமையிலான் இந்திய ஆண்கள் ஹாக்கி அணி பங்கேற்கிறது. ஆசிய போட்டியில் இந்தியா தங்கம் வெல்வதற்கு வாய்ப்புள்ளதாக ஸ்ரீஜேஷ் நம்பிக்கை தெரிவித்துள்ளார்.

இதுகுறித்து ஸ்ரீஜேஷ் கூறுகையில் ‘‘எங்களுடைய இலக்கே, தங்கம் வென்று முன்னதாகவே டோக்கியோவில் 2020-ல் நடைபெறும் ஒலிம்பிக் தொடருக்கு தகுதி பெற வேண்டும் என்பதுதான். இதைவிட வேறு ஏதும் இல்லை.



அதன்பிறகு இரண்டு வருடங்கள் ஒலிம்பிக் தொடருக்காக தயாராக  நேரம் கிடைக்கும். தற்போதுள்ள இந்திய அணியால் ஜகார்த்தாவில் தங்கம் வெல்ல முடியும். தங்கம் வெல்வதற்காக சாதகமான அணிகளில் நாங்களும் ஒன்று’’ என்றார்.

ஆசிய போட்டி வருகிற 18-ந்தேதி முதல் செப்டம்பர் 2-ந்தேதி வரை இந்தோனேசியாவில் ஜகர்த்தா, பாலெம்பங்கில் நடைபெறுகிறது. இந்த போட்டியில் இந்தியா சார்பில் ஏராளமான வீரர்கள் கலந்து கொள்கின்றனர். ஈட்டி எறிதல் போட்டியில் இந்தியா சார்பில் நீரஜ் சோப்ரா கலந்து கொள்கிறார்.

20 வயதான நீரஜ் சோப்ரா இந்திய கொடியை ஏந்திச் செல்வார் என்று இந்திய ஒலிம்பிச் சங்கத் தலைவர் நரிந்தர் பத்ரா தெரிவித்துள்ளார்.



ஆசிய போட்டியின் தொடக்க நாளில் அனைத்து நாட்டு வீராங்கனைகளும் தங்களது தேசியக் கொடியை ஏந்திய குழுவுடன்  அணிவகுத்து செல்வார்கள் என்பது குறிப்பிடத்தக்கது.

இந்தோனேசியாவில் வரும் ஆகஸ்ட் மாதம் 18-ந்தேதி முதல் செப்டம்பர் மாதம் 2-ந்தேதி வரை ஆசிய விளையாட்டு போட்டி நடைபெற இருக்கிறது. இதில் ஆதிக்கம் செலுத்துவதற்காக தலைசிறந்த வீரர்களை கொண்ட அணியை தேர்வு செய்வதில் ஒவ்வொரு பெடரேசனும் கவனம் செலுத்தி வருகிறது.

ஆசிய கோப்பைக்கான குதிரையேற்றம் அணி அறிவிப்பில் முறைகேடு நடைபெற்றதாக தெரிகிறது. இதனால் இந்த அணியை இந்திய ஒலிம்பிக் அசோசியேசன் ஆசிய போட்டிக்கு அனுப்புவதில்லை என்ற முடிவு செய்துள்ளது. அதேவேளையில் ஆண்களுக்கான கால்பந்து மற்றும் ஹேண்ட்பால் அணிக்கு அனுமதி வழங்கியுள்ளது.



இந்நிலையில் ஜிம்னாஸ்டிக் அணியை தேர்வு செய்வதற்காக ஐந்து பேர் கொண்ட குழுவை அமைத்துள்ளது. இந்தியன் ஒலிம்பிக் பெடரேசனின் அங்கீகாரம் பெற்ற அமைப்பாக இந்திய ஜிம்னாஸ்டிக் பெடரேசன் இல்லை. இதனால் இந்திய விளையாட்டுத்துறை அமைச்சகம் பரிந்துரை செய்ததை, ஐஓஏ ஏற்றுக் கொண்டது.